leth/ Michael Joe T. Delizo
DZRH
July 25, 2010
Sumakabilang buhay na ang komedyanteng si Redford White o Cipriano Cermeno sa totoong buhay.
Namatay si Redford White kaninang umaga sa edad na 55 anyos dahil sa kumplikasyon sa kanyang kanser sa utak at baga.
Ayon sa kanyang kaanak at kaibigan, noong Pebrero pa may sakit ang komedyante at sinubukan rin nilang kumonsulta sa iba't ibang doktor pero wala nang nagawa ang mga ito.
Nakaburol ngayon ang labi ni Redford White sa kanyang bahay sa Caloocan City.
Naulila ng komedyante ang kanyang asawa at isang anak na babae.
Nagsimula si Redford White sa kanyang movie career noong 1970's at nakilala sa sitcom na "Buddy en Sol" kasama si Eric Quizon noong 90's.
Kabilang sa kanyang mga pelikula ang "Haba-baba-doo! Puti-puti-poo";"Tong Tatlong Tatay kong Pakitong-kitong", at "Tik Tak Toys: May Kolokoys."
No comments:
Post a Comment